Денеска по пат на конференциска врска се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Се препорачува на Општина Куманово да обезбеди дополнително количество на заштитни маски, кои преку штабот бесплатно ќе се делат на граѓаните на Општина Куманово на повеќе пунктови низ градот.
• Се препорачува на Општина Куманово да обезбеди дополнителен број на луѓе, вработени во општинската администрација, за потреби на ОШЗС, кои ќе работат на дистрибуција на хуманитарни пакети на социјално најзагрозените семејства.
• Апел до граѓаните до Општина Куманово да се придржуваат согласно мерките и препораките на Министерство за здраство и Влада на Република Северна Македонија да се однесуваат одговорно спрема себе и спрема другите околу нив.

НАПОМЕНА:

– Штабот останува на сите досегашни барања, препораки и сугестии упатени до Владата на РСМ и сите други државни институции и комисии.

Општина Куманово

 Градоначалник,

____________________

Максим Димитриевски