Денеска Градоначалникот Максим Димитриевски оствари средба со Амбасадорот на Република Полска во Република Северна Македонија, Војциех Тицињски. На средбата се разговараше за моменталната состојба со вирусот COVID 19 и за донација на 600 пакети со прехрамбени производи и средства за хигиена, од страна на Aмбасадата. Истите ќе бидат поделени на социјално најзагрозените семејства во општината. Во оваа прилика се разговараше и за можни инвестиции на полски компании во различни сектори од економијата, потенцирајќи ја земјоделската гранка, како и за традиционално добрите односи коишто Куманово ги има со градот Плонск (Полска), со коj заедно членуваат во Асоцијацијата на Градови носители на порака на мирот.