Од утре (18.01.2020 година) од 16.00 часот започнува да работи монтажното лизгалиште пред Затворениот градски базен. Лизгалиштето е доделено на користење од страна на Агенцијата за млади и спорт и истото ќе биде на располагање во следните два месеци. Граѓаните можат да го користат секој  ден од 09.00  до 21.00 часот, а  лизгалките  се земаат на билетарата на Градскиот базен. Влезот е слободен.

Денеска во уметничката галерија при Националната установа Музеј Куманово беше отворена изложба во рамките на проектот “Сочувување на старите занаети кои овозможуваат развој на занаетчиско претприемништво и самовработување”.

Изложбата е во организација на RZK Zanaet-Zeja-Куманово, поддржано од Министерството за економија на Република Северна Македонија и Arty Craft North Mаcedonia.

Изложбата ја отвори Претседателот на Совет на Општина Куманово Атина Мургашанска, а на истата присуствуваше и Секретарот на Општина Куманово, Десанка Стошевска со претставници од општинската администрација.

Денеска се одбележа 76-годишнината од познатата битка во село Пелинце и загинување на Ангел Лазаревски-Шајче и Трифун Ангеловски-Летеќи.

Настанот е во организација на Општинскиот одбор на Сојуз на борци од НОАВМ 1941-1945 година и граѓаните продолжувачи-Куманово. 

Пред споменикот од Народноослободителната борба, покрај другите делегации почит оддадоа и Секретарот на Општина Куманово, Десанка Стошевска со претставници од општинската администрација.

Денеска на Бадник, ден пред големиот христијански празник Божиќ, околу двеста дечиња, кои учествуваа во Бадниковата поворка, остварија средба со претставници од општина Куманово. Беа пречекани од Градоначалникот на општината, Максим Димитриевски, која по Божиќната песна „Вечниот Бог“, испејана од страна на дечињата, им посака среќни Новогодишни и Божиќни празници. Во духот на Христовото раѓање, на дечињата им беа поделени и Божиќни пакетчиња.

https://youtu.be/1O6SlIVpWacДелегација од Општина Куманово, предводена од Секретарот на општината Десанка Стошевска традиционално денеска беа на Одделот за гинекологија и акушерство при Општа болница Куманово, во посета на првороденото бебе во Новата 2020 година.

Се роди женско бебе, во 01:35 часот.

Со искрени честитки за здравје и среќа, на среќната мајка и бебето им беа доделени пригодни подароци.

Почитувани граѓани, драги пријатели, ценети мои Кумановчани,

Во Новата година Ви посакувам добро здравје, успех, многу среќа на секое поле од секојдневниот живот. И оваа година да продолжиме, со заеднички сили, да го градиме патот исполнет со нови предизвици, кои ќе донесат подобро Утре за нас и нашите најблиски. Да се радуваме на секој нов ден, знаејќи дека свесно придонесуваме за напредок на заедницата и повисоко ниво на општественото живеење. 

Среќни Новогодишни празници!

По повод вечерашната промоција на ЦД-то “Цвето мори, цвету росен”
на Октет Куманово, Градоначалникот Димитриевски имаше средба со
членовите на Октетот, композиторите на нивните песни и музичките
гости на промоцијата.
Настанот е во организација на Фондација за култура и спорт Куманово
и Секторот за култура , а под покровителство на Градоначалникот и
Советот на општината.На промоцијата беа презентирани неколку
снимки од повеќе настапи на Октетот, промотор беше Огнен
Неделковски, а музички гости-Виолета Томовска и членовите на
женската група “Сирма”.
Димитриевски имаше свое обраќање пред присутните.

Денеска во просториите на Општина Куманово се одржа состанок на членови на Локален совет за превенција. На состанокот, со кој раководи Градоначалникот Димитриевски,  беше презентиран и усвоен Локалниот акциски план за спречување на насилен екстремизам.

Понатамошните активности на Локалниот совет за превенција во врска со спречување на насилниот екстремизам ќе бидат поддржани со помош на донации, тимска работа со други здруженија и невладини организации.

Дел од предвидените активности за 2020 година ќе ги поддржи Мрежата на силни градови, во која Куманово членува од 2017 година.

По повод Новогодишните празници, за сите дечиња од нашиот град, на Градскиот плоштад се одржа културен настан, во организација на Мото клуб Мечки Куманово, чии членови беа Дедо Мразовци на мотор, на огромна радост на присутните дечиња. 

Градоначалникот на Општина Куманово Димитриевски им се обрати на присутните, посакувајќи им Среќна Нова 2020 година.  

На настанот настапија ученици од повеќе општински училишта од градот.

Градоначалникот на Општина Куманово Максим Димитриевски денеска традиционално подели новогодишни пакетчиња за децата без родители, на средбата која се одржа во просториите на општината и на дечињата на детското одделение во Општа болница Куманово.

Градоначалникот на сите им упати искрени честитки и се најдобро во Новата 2020 година.