Како значаен настан од бројните активности, кои се одржаа во рамките на одбележувањето на овогодинешниот Јубилеј 500 години од постоењето на Куманово, беше потпишан Договор за збратимување помеѓу Куманово и Нови Сад, со цел успешна понатамошна соработка во различни сфери од општествениот живот на двете општини. Договорот за збратимување го потпишаа Градоначалникот на Нови Сад, Милош Вучевиќ и Градоначалникот на Општина Куманово, Максим Димитриевски.

Свечениот чин на потпишување на Договорот за збратимување, беше одлична можност Градоначалникот Димитриевски да ги поздрави и сите присутни членови на бројните делегации, кои пристигнаа во Куманово по повод 11 Ноември, Празникот на нашиот град.

Денеска се одржа традиционална средба на Градоначалникот со поранешни градоначалници на општина Куманово на АРМ,МВР,ЗАПВАРС и Сојуз на борци.Средбата е во рамки на манифестацијата одбележување на 500 години подтоење на Куманово и 75 години од ослободувањето.

Денеска се одржа и Атлетска улична трка, организирана од страна на Атлетскиот клуб Куманово, Атлетската федерација на Република Северна Македонија и Општински сојуз на спортови Куманово. На пладне се одржа инклузивна (штафета) трка на ученици од општинските основни училишта.

Следуваше трка, на која учествуваа ученици од шестто и седмо одделение од основните училишта и осмоодделенци и деветтоодделенци, во машка и женска конкуренција. Следни беа учениците од општинските средни училишта, исто така во машка и женска конкуренција.

На главната атлетска улична трка учество зедоа жени, кои трчаана 3.000 м и мажи-на 5.000 м.

Се одржа уште еден културен настан, предвиден во Програмата за одбележување на Јубилејот 500 години од постоењето на Куманово-Меѓународна ликовна изложба „Карпино 2019“, во организација на  Мултимедијалниот центар „Карпино“-Куманово.

Оваа година учество зедоа 15 уметници од Италија, Хрватска, Црна Гора, Србија и уметници од домашната сцена, кои се претставија со 40 дела. Уметниците твореа во техника акрил и масло на платно, како и комбиниранатехника.

Вечерва, непосредно пред одржување на вечерашниот концерт на прием кај Градоначалникот беа дуото Некст Тајм. Поради големиот интерес се очекува огромна посетеност на концертот од граѓаните.

Во рамките на Програмата за одбележување на 11 Ноември, Ден на ослободување на градов и Јубилејот 500 години негово постоење, од бројните спортски настани се одржа и јубилејниот, 10-ти по ред Меѓународен турнир во пинг понг, во организација на Пинг понг клуб Куманово и Општински сојуз на спортови Куманово.

Учесници на турнирот беа гостите од Србија и Бугарија и како домаќини-членовите на клубот од градов.

Најдобрите се закитија со пехари и медали.

Денеска се одржа традиционалниот турнир во футсал за Пехар на Градоначалникот, во организација на Општински сојуз на спортови Куманово и Општински сојуз на училишен спорт, а по повод Јубилејот 500 години од постоењето на Куманово.

Учествуваа ученици од општинските средни училишта, а на најдобрите на одржаниот турнир, за освоено прво, второ и трето место, наградите им ги додели Раководителот на Сектор за култура,спорт,социјана и здравствена заштита Цоки Ристовски.

ООУ “Вук Караџиќ”-Куманово, со Свечена приредба денеска одбележа 74 години од своето постоење, а прославата е во чест на Јубилејот 500 години постоење на Куманово. На овој значаен настан за училиштето, се обрати директорот Надица Петровска, а потоа беше проследена Свечената приредба, подготвена од страна на наставниците и учениците.

Делегација од Општина Куманово присуствуваше на одбележувањето на патрониот празник на ова училиште.

Традиционално, како и секоја така и оваа година, се одржа фестивалот на ромски фолклор “Јекипе Единство Куманово 2019”, во рамките на кој се одржа и “Рома Фешн”, во организација на Ансамблот на народни ромски игри и песни “Рушит Шакир”-Куманово, а по повод Јубилејот 500 години од постоењето на Куманово.

На фестивалот настапија културно-уметнички друштва од нашата држава и Република Србија и тоа од градовите: Прилеп, Делчево, Скопје, Куманово и Бор. На Рома Фешн учество зедоа учесниците на фестивалот.

Градоначалникот на Општина Куманово Максим Димитриевски им се обрати на присутните и го прогласи фестивалот за отворен.

По повод патронатот на НУЦК “Трајко Прокопиев” – Куманово, во просториите на НУЦК “Трајко Прокопиев” се одржа концерт на кој настапија:
Хор на наставници “Рацин“ при ООУ “Кочо Рацин“ Куманово
ХМД “Кочо Рацин“ – Скопје
Женски Камерен Хор “Св. Злата Мегленска“ – Скопје
На настанот присуствуваше Градоначалникот на Општина Куманово Максим Димитриевски, и Секретарот на Општина Куманово Десанка Стошевска.