Во Занаетчиски дом во Куманово се одржа промоција на книгата „90 години аероклуб во Куманово.
Оваа книга претставува уште едно дело од авторот Ѓорги Чачкиров, кое претставува пионерско дело на полето на истражување и потврдување на воздухопловната традиција во Куманово.

Јавната општинска установа Детска градинка Ангел Шајче –Куманово денеска одржа Слет насловен како “Ветрот на бесконечноста”, по повод Јубилејот 500 години од постоењето на Куманово.

На настанот учествуваа 420 деца од градинката на 4 и 5-годишна возраст, преку кој беа претставени почетоците на установата, традицијата, нејзиниот развој, како гордост на нашиот град. Децата-учесници, низ музички точки, се претставија со четири формации: традиција, современо етно, поп денс и за крај група ветер, која е симболика на насловната порака.

На настанот присуствуваше Градоначалникот на Општина Куманово Димитриевски, кој имаше и свое обраќање, како и директорот на ЈОУ Детска градинка Ангел Шајче, Марина Алексовска.

Денеска во Занаетчискиот дом-Куманово беше отворена Изложба на претседатели на Градскиот народноослободителен одбор, на Градската општина Куманово, на Народниот одбор на општината, претседатели на Собрание на Куманово, како и на Градоначалници од 01.12.1996 година.

Градоначалникот Максим Димитриевски имаше средба и со успешни и истакнати личности од градов, кои живеат во и надвор од него, по повод Јубилејот 500 години постоење на наше Куманово.

Портретите од Изложбата се изработени во техника графит, а автор е Борче Тодороски од Прилеп.

Во рамките на проектот “Еразмус+”, од кој е дел ООУ “Кочо Рацин”–Куманово, на Европскиот научен конгрес за животна средина и екологија училиштето соработува со три училишта од: Шпанија, Италија, Романија и Полска.

Проектот се реализира  од октомври 2018 г. до септември 2020 година, а од 04.11. до 08.11.2019 година, домаќин е ООУ “Кочо Рацин”. Тема на која се работи оваа недела е Сортирање на отпад и рециклирање.

Наставници и ученици од училиштето, кои работат на проектот, денеска беа на прием кај Градоначалникот на Општина Куманово Димитриевски, со цел да ги презентираат своите активности.

Во ООУ “Кочо Рацин”-Куманово ќе биде отворена Изложба “Еко арт”, проследена со културно-уметничка програма, на 08.11.2019 година (петок).

Градоначалникот на Општина Куманово Максим Димитриевски заедно со Раководителот на Секторот за култура, спорт, социјална заштита, здравствена заштита и заштита на децата, директорот за Фондацијата за култура и спорт Куманово, како и претставници од Советот на Општина Куманово, денеска одржа Прес за медиумите, по повод 11 Ноември, Празникот на нашиот град.

Честитајќи го Јубилејот 500 години Куманово и 75 години од неговото ослободување, ги покани граѓаните да бидат дел од бројните културни и спортски настани, во рамките на Ноемвриските денови.

Градоначалникот потенцираше дека наше Куманово има изграден профил на модерен, проевропски град, како мултикултурен центар со добар соживот, а граѓаните се поткрепа на сработеното и продолжување на планираното.

Истакнувајќи ги културните настани, кои започнаа со концертот на пензионерите, тривечерните мега концерти на Градскиот плоштад, се до возобновувањето на Гитаријада, Градоначалникот најави и бројни делегации од државата и странство, претставници од Законодавната, Извршната и Судската власт на 11 Ноември.

Упати огромна благодарност до сите спонзори, компании и физички лица, кои излегоа во пресрет за конкретна реализација на културните и спортски настани, во рамките на одбележувањето на Јубилејот 500 години Куманово.

Денеска учесниците на Квизот “Колку го познаваш својот град”, заедно со своите наставници-ментори, пред Националната установа Центар за култура Трајко Прокопиев-Куманово, каде се одржа Квизот, засадија дрвце, во чест на Јубилејот 500 години Куманово.

Квизот е уште една активност во рамките на Програмата за одбележување на Јубилејот 500 години од постоењето на Куманово.

На Квизот учество зедоа ученици од VIII и IX одделение од општинските основни училишта, кои имаа обврска да одговараат на прашања од предметите историја, географија, општа култура и образование.

Делегација од Општина Куманово, предводена од Секретарот на општината Десанка Стошевска, беа присутни на настанот, кој имаше забавен карактер.

Сите ученици-учесници и нивните наставници-ментори добија благодарници за учество.

Општина Прилеп го одбележа 3-ти Ноември, Денот на ослободувањето на градот и 75 години од конечното ослободување од фашистичкиот окупатор во Втората светска војна. Во рамките на бројните активности, преземени по повод овој значаен датум за Прилеп, им беше оддадена почит на загинатите борци за слобода на народот, преку полагање на цвеќе на спомениците.

Делегација од Општина Куманово беше присутна на Свечената седница и доделувањето на наградите 3-ти Ноември.

По повод 11 Ноември, Денот на ослободувањето на Куманово, Здружението на пензионери- Куманово одржа целовечерен концерт, насловен “Куманово во срцето”. На концертот се претставија: членовите на хорот, фолклорната група, актерската екипа со делови од “Ленче Кумановче”, како и гостите од Лесковац, Република Србија. Многубројната публика имаше можност да го проследи и читањето на првонаградената творба, посветена на Куманово, од објавениот Конкурс на пензионерите од нашиот град.

На настанот присуствуваше делегација од Општина Куманово, предводена од Секретарот на општината, Десанка Стошевска.

Традиционално Фото Кино Клуб “Козјак” ја организираше најстарата Меѓународна изложба во Република Северна Македонија –“Фото Салон Куманово 2019”, во Уметничката галерија-Куманово.
Овој клуб по тринаесетти пат ги собра фотографиите на нашите и странските автори, каде учесниците имаа можност да се претстават во пет категории: портрет, природа, слободна црно – бела, слободна колор и тема фотожурнализам.
Фото Кино Клуб “Козјак” и годинава ги доби сите признанија од фотографските организации ширум светот, а во последниве неколку години “Фото Салон” прерасна во една од најпочитуваните и најпосакуваните изложби меѓу авторите од државите ширум светот.
На Изложбата присуствуваа претставници од општина Куманово.

Со цел подобрување на услугите кон граѓаните, Општина Куманово има потреба од инсталирање на безжични ПОС терминали со кои ќе се овозможи наплата на административна такса во нејзините простории.

Општина Куманово, со адреса на ул. „11-ти Октомври“ бб, телефон за контакт 031/475-800, електронска адреса javni-nabavki@kumanovo.gov.mk, има потреба од набавка на ПОС терминал за потребите на Општина Куманово за таа цела ги поканува сите заинтересирани деловни банки да поднесат понуда во согласност со правилата и барања од Јавникот повик кој е објавен во прилог заедно со Образецот за поднеусвање на понуда.

Ве молиме да ни ја доставите Вашата понуда за горенаведениот предмет на договорот за најдоцна до 08.11.2019 во 12:00 часот (по локално време) преку писарница на Општина Куманово.

ЈАВЕН ПОВИК за прибирање понуди за склучување нефинансиски договор за наплата на административна такса со платежна картичка преку инсталирање ПОС терминал во Општина Куманово (Превземете ТУКА)

Однапред благодариме на соработката,
Со почит,
Општина Куманово“