Претставници на Општина Куманово учествуваа на втората обука од активностите на Проектот ,,Поддршка на единиците на локалната власт на Република Северна Македонија во промоција на одржлива урбана мобилност“ , што го реализира ЗЕЛС во соработка со Германската агенција за меѓународен развој (GIZ) “.

Планот за одржлива урбана мобилност-ПОУМ, за кој Општина Куманово аплицираше на јавен повик е во втората фаза од активностите на проектот. Целта на истиот е да стави акцент на активно вклучување на граѓаните од самиот почеток на процесот на планирање на модел на оптимални трошоци и иновативност, зголемување на удобноста на живеењето на граѓаните, зголемена мобилност и достапност, подобрување на животната средина и здравјето на луѓето, донесување на одлуки поддржани од заинтересираните страни и граѓаните, пристап до нови извори на финансирање и пред сˋе, подобра слика на градот. Со ваквото планирање се нагласува потребата од поголем простор за граѓаните, зеленилото, подобрување на јавниот превоз и се дава предност на обезбедување на услови за користење на велосипеди, воспоставување на забранети зони за сообраќај, потоа користење на катни паркиралишта и друго.

Граѓаните на Општина Куманово од денеска, па се до 6 септември ќе имаат можност актвно да се вклучат во креирањето на Планот за одржлива урбана мобилност, да ги искажат своите инцијативи и мислења со учество во анкетата која е достапна на веб страната на општината, а со тоа и да придонесат да се обезбеди дефинирање на вистинските проблеми при мобилноста во Куманово, со цел изнаоѓање на квалитетни решенија за истите.

За разлика од традиционалниот пристап на планирање, кој се однесува само на возилата и сообраќајот, планирањето на мобилноста е инклузивен и партиципативен. „Sustainable urban mobility planning- SUMP“ или Одржливата урбана мобилност е воспоставена практика во Европската унија. Досега, многу европски градови имаат имплементирано вакви урбани планови и имаат преземено низа активности во оваа насока.

Градоначалникот Максим Димитриевски, председателот на Совет Атина Мургашанска и претставници на општинска администрација денеска во општината остварија средба со командантот на Националната гарда на Вермонт, аѓутант генерал Грегори Најт, кој престојува во неколкудневна посета на Република Северна Македонија, а за прв пат во општина Куманово.

На средбата се разговараше за работата на локалната самоуправа и Советот на општината. Пред присутните од страна на Градоначалникот беше презентирана работата на локален совет за превенција, како еден од најуспешните во државата и идните активности во таа област. Исто така се разговараше за активностите по повод одбележување на Јубилејот 500 години Куманово и можната меѓусебна соработка во областа на образованието и заштита на животна средина.

Градоначалникот Максим Димитриевски  денеска​ присуствуваше ​во​ ​касарната​ „​Боро​ ​Менков“​ ​во​ ​Куманово​, каде ​со​ ​воена​ ​свеченост​ ​беше ​одбележан Денот на Армијата на Република Северна Македонија – 18ти август.

На прославата присуствуваа делегации на АРСМ, претставници на јавните установи и служби, градоначалници и преставници на единиците на локалната самоуправа и правни и физички лица со кои Армијата на Република Северна Македонија има соработка. Пред присутните се обрати генерал – мајор Павле Арсовски, командант на ЗОК и потполковник Стојанче Костов, командант на касарната „Боро Менков“.

Поради интерес на јавноста, јавно го објавуваме Меморандумот за соработка склучен помеѓу Општина Куманово и Асоцијацијата за заштита на цивилно општество и социјално загрозените категории “Меѓународен сојуз” Скопје кој е потпишан на 07.12.2017г. со важност од една година. Оваа е вообичаена процедура при средби помеѓу невладини организации и институции и овој документ – меморандум не содржи обврзувачки дејствија туку истиот е протоколарен. Од овој меморандум не се реализираше ниту една активност и истиот е вон сила. Изминативе неколку денови, во медиумите се појавија шпекулации, а прашања стигаат и на адресата на Општина Куманово, градоначалникот Максим Димитриевски и неговите “релации” со Бојан Јовановски, познат во јавноста како Боки 13. Вистината што стои зад овие вести е дека, единствено е потпишан меморандум за соработка со „Меѓународен сојуз Скопје“ на 7ми декември, 2017 година со важност од една година, но ниту една активност или проект врз основа на овој договор не беа реализирани.

“Категорично ги отфрлам сите шпекулации дека јас на каков било начин поврзан со целиот настан кој ја бранува јавноста. Единствено што мене и општината не поврзува со оваа невладина организација е потпишаниот меморандум за соработка помеѓу Општина Куманово и „Меѓународен сојуз Скопје“ чиј претседател е Бојан Јовановски, но одговорно тврдам дека во времетраење од една година на договорот, ниту една активност не беше спроведена. Дополнително стојам на располагање за сите прашања што ја засегаат јавноста, поврзани со ваквите погрешни тврдења“ – изјави градоначалникот Максим Димитриевски.

Градоначалникот е на страната на правдата и повеќе пати повика на интензивна истрага и експедитивна разрешница на  случајот ,,Рекет”.

Денес Градоначалникот Максим Димитриевски во својот кабинет оддржа состанок со активистите на граѓанската иницијатива “Не биди ѓубре” претставници од Пакомак-друштво за управување со пакување и отпад од пакување, претставници од млекара “Бучен Козјак” и директорот на Ј.П “Чистота и зеленило”. На  состанокот се разменија идеи за тоа  како сите институици заедно да допринесат за почист град. Исти така се разговараше за идните активности на оваа граѓанска иницијатива и  во кој дел можат да се вклучат самите институции.Во иднина се планира да биде изготвен оперативен план за делување, а активистите остануваат да делуваат како граѓанска неформална група со помош на  институциите, секој со свој домен. За сите наредни активности граѓаните ќе бидат навремено известени.

Градоначалникот Максим Димитриевски денеска во својот кабинет го прими на средба метеорологот Борис Секирарски. На средбата беше презентиран уредот за укажување на опасност од лоши временски услови – ELIF, кој во моментот е единствен во државата и во светот со регистриран патент, награден со 4 меѓународни медали како иновација.

Уредот е поставен на почетокот на улицата „Иво Лола Рибар“, од десната страна, а се состои од четирибоен семафор кој ќе работи деноноќно, а со трепкачите ќе предупредува за временската состојба која следи. Белата боја значи дека не постои никаква опасност, сината ќе значи општа поплава (потврдена од соодветните институции), жолтата дека врнежите ќе продолжат и во наредниот период од 30 минути, додека црвената боја ќе означува екстремно силни врнежи со опасност од брзо поплавување на повеќе делови од градот.

Во иднина ваквите уреди ќе бидат поставени на неколку локации во градот.

Здружението на пензионери „Куманово“ – Куманово,  денеска во Меморијалниот центар АСНОМ во Пелинце организираше Еко – хепенинг кој традиционално се држува секоја година. На средбата свое обраќање имаше градоначалникот Максим Димитриевски и претседателите на ЗП „Куманово“ и на СЗПМ.

Градоначалникот Максим Димитриевски заедно со Mинистерот за транспорт и врски Горан Сугарески и директорот на ЈП за државни патишта, Зоран Китанов, денеска го посети и изврши увид во работите кои се реализираат на регионалниот пат Куманово – Свети Николе.

На теренот се врши рехабилитација и асфалтирање на патниот правец во должина од 42 километри, со средства обезбедени преку Европската Банка за обнова и развој, а истата се очекува да биде завршена најдоцна до пролетта.

Вечерва во Пелинце беше затворена ликовната колонија „Куманово“ 2019 со изложба на делата кои уметниците од 5 држави ги сликаа во изминатите седум дена.

Градоначалникот Максим Димитриевски присуствуваше на изложбата и се обрати пред присутните. На учесниците им се заблагодари за творбите кои ќе останат дел од наслетството на колонијата која датира од 1974 година. Свое обраќање имаше и директорот на НУ Музеј Кумаммново Богдан Таневски.

Уметниците ја збогатија збирката на ликовната колонија за околу 25 дела, а за нивното учество добија благодарници.