Одделението за социјална заштита, заштита на децата и здравствена заштита при Општина Куманово врши мапирање на самохрани родители и тоа:

-самохран родител на дете чиешто татковство не е признаено и

-самохран родител на дете со еден починат родител.

Согласно тоа, ги повикуваме граѓаните кои спаѓаат во категоријата- самохран родител и живеат на територија на општина Куманово да се јават во просториите на Општина Куманово (зграда на катастар) во соба бр. 2(два).

По повод големиот христијански празник Богојавление –Водици, на ден 19.01.2018 година (петок) со почеток во 11:45 часот, се организира пливање по крст  на Затворениот градски базен. Манифестацијата е во организација на пливачките клубови “Аква“, “Немо“, “Делфин“ и “Тумба“, а под покровителство на Градоначалникот и Советот на Општина Куманово и кумановско-осоговската епархија.  Сите заинтересирани граѓани можaт да се пријават најдоцна до 18.01.2018 година  на пријавницата на градскиот базен.

Денеска со пригодна програма беа одбележани 74 години од битката во Пелинце. Цвеќе на споменикот на паднатите борци положија Секретарот на Општина Куманово и претставници на општинската администрација.

Општина Куманово во соработка со ЈП „Чистота и Зеленило„ денеска спроведе акција за засадување на садници низ градот. Оваа е една од мерките, кои општината ги превзема против загадување на воздухот. Со акцијата  засадени се  нови садници во центарот на градот, на булевар „Октомвриска револуција„, локалитет Водовод и улица „Б.Б.Гуцман„. Градоначалникот Максим Димитриевски апелира до сите граѓани да ги сочуваат овие зелени површини за поубаво и почисто Куманово.

Утре, 04.01.2018 (четврток), Градоначалникот Максим Диммитриевски ќе остварува средби со граѓани, во периодот од 10 – 14 часот во просториите на Општина Куманово (главна зграда).

Градоначалникот Максим Димитриевски денеска го посети Гинеколошкото одделение во градската болница, каде на првото новороденче и мајката им врачи подароци.