Градоначалникот Максим Димитриевски денеска, на учениците од ООУ “Христијан Карпош“ во населбата Иго Тричковиќ им ја донираше наградата – телевизор од фирмата “Елколект„. Наградата за која не се пријави добитникот од наградната игра “Да рециклираме и да се наградуваме“, од страна на организаторот беше отстапена на институцијата, каде што целна група се децата.

Делегација од општина Куманово престојуваше во работна посета на Општина Пловдив, Бугарија. Советникот во советот на Општина Куманово Милена Строимановска и раководителот на одделение за образование Александар Саздевски оставрија повеќе средби со своите колеги од Бугарија со кои разменија искуства на повеќе теми. По работниот дел ги посетија културни и историски знаменитости, како и саемот за вино.

Eвроамбасадорот Самуел Жбогар денеска ја посети Општина Куманово и оствари средба со Градоначалникот Максим Димитериевски. По завршувањето на средбата, Градоначалникот, евроамбасадорот и Министерката за образование и наука Рената Дескоска гo посетија ОСТУ “Наце Буѓони“ во рамки на кампањата за информирање на граѓаните за помош на ЕУ во земјата – “Веруваме во ТЕБЕ, Вложуваме во ТЕБЕ, ЕУ за ТЕБЕ“. Потоа сите заедно ја посетија и СОУ Гимназијата “Сами Фрашери“ .