Денеска  во просториите на Општина Куманово се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Бараме од Влада на РСМ во соработка со Општина Куманово да пристапи на зголемување на капацитети на болницата за третирање на пациенти со COVID -19, со подготовка на COVID болница на простор утврден од Општина Куманово и Министерство за здравство и заедничко инвестирање, со цел да се зголеми капацитетот на Општа болница Куманово и да се подготвиме за евентуалните пикови во наредниот период на ковид кризата.
• ОШЗС заклучува дека дејствувањата на МВР на територија на Општина Куманово во однос на заклучоците и уредбите на Владата на Република Северна Македонија во однос на почитување на мерките се на незадоволително ниво ( не се превземаат доволно превентивни и репресивни мерки од страна на полицијата во извршување на задачите за спречување на CIVID – 19 кризата во смисла на опоменување на поголеми групи во одредени делови на градот, непочитување на социјална дистанца, неносење на заштитна маска и други препораки од Комисијата за заразни болести). Во однос на варијабилниот пораст на нови случаи со COVID -19 на територија на Општина Куманово и североисточниот регион бараме итно дејствување од страна на МВР за да се спречи евентуално зголемување на нови случаи, кои што се последица на непочитување и неодговорно однесување на граѓаните.
• Бараме од Влада на РСМ и надлежните државни органи да направат увид во делот на организациска поставеност во банките и други приватни јавни институции, кои вршат услужна дејност, како и уплата и исплата на парични средства на граѓаните, дистрибуција на вредносни ваучери и изнаоѓање на механизам и мерки за почитување на владините мерки при вршење на дејноста во вонредна состојба со можност за воведување на нумерациски систем во услугите со зголемување на бројот на капацитети за давање на услуги кон граѓаните со цел да се избегнат постојаните метежи на јавно прометните површини пред овие услужни установи.
• Бараме од Влада на РСМ да се засили надзор на северната граница во однос на движење на бегалците, нивно сместување во ТПЦ Табановце и влијанието на населението во однос на здраствената состојба на истото, како и почитување на уредбата на Владата на РСМ донесена на 26.03.2020 година.
• Апелираме до граѓаните на Општина Куманово да ги почитуваат мерките донесени од Влада на РСМ бидејќи кризата е во полн ек и да не веруваат на лажни вести кои што ја релативизираат болеста и целосната ковид криза.

Денеска  во просториите на Општина Куманово се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Поради зголемениот број на заболени од вирусот COVID 19 во соседната Општина Липково, ОШЗС Куманово со своите расположливи ресурси стои на располагање за помош при справување со епидемијата на ОШЗС Липково.
• Поради фактичката состојба со ширење на вирусот COVID 19 на територија на соседна Општина Липково, бараме од Влада на РСМ да изготви посебен план за делување на територија на оваа општина, бидејќи Општина Липково и Општина Куманово се територијално поврзани општини со зголемена гравитација на население од една во друга општина, со цел да се намалат ризиците од епидемијата и да се заштити Општина Куманово од ширење и враќање на епидемијата.
• Дежурен телефон на Општинскиот штаб за заштита и спасување е 078 365   061, на кој  граѓаните ќе можат да ги добиваат потребните информации.
• Дежурен телефон за пријавување на земјоделци за движење во време на полициски час е 075 273 192.
• Ги информираме економските оператори изберени од ОШЗС Куманово, дека одлуките за определување на еконмски оператори за обезбедување на намирници согласно барања на граѓаните за време на забрана за движење на територија на Општина Куманово донесени на штабот важат, потребно е самите оператори да си набават соодветни одобренија за движење и вршење на својата дејност од надлежните институции.

Денеска  во просториите на Општина Куманово се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Барање до Комисија за заразни болести да разгледа дали се почитува протоколот за утврдување и лекување на пациенти суспектни и потврдени од COVID 19, сметаме дека непридржување на протоколот може да доведе до епидемиолошко загрозување на Општина Куманово и вработените во ЈЗУ општа болница Куманово и бараме да се упати апел до матичните лекари од Општина Липково да се придржуваат до протоколите заради поуспешно лекување на заболените и спречување на ширење на епидемијата од соседната општина во Општина Куманово.
• Поради новонастанатата ситуација и зголемен број на заболени од вирусот COVID 19 во соседната Општина Липково, ОШЗС Куманово со своите расположливи ресурси стои на располагање за помош при справување со епидемијата на ОШЗС Липково.
• Се задолжува директорот на ЈЗУ општа болница Куманово да даде информација на ОШЗС Куманово со анализа за месец Мај во однос на хоспитализирани лица, број на третирани лица и излечени.
• Се задолжува ЦЈЗ Куманово да даде информација на ОШЗС Куманово со анализа за месец Мај за број на позитивни случаи на територија на Општина Куманово и број на позитивни случаи на територија на Општина Липково, одделно, бидејќи бројката што се објавува во јавност е бројка што се води за Општина Куманово а всушност истата ги претставува бројките за позитивни случаи и за Општина Липково, како и број на извршени тестирања.
• Се задолжува Брза помош Куманово да достави информација за месец Мај, за колку лица има извршено транспорт и на која релација, за да ОШЗС има увид што се случува и во Општина Куманово и во Општина Ликово, по однос на транспорт на суспектни и COVID 19 позитивни пациенти.

ОШЗС Куманово го задолжува ЈП „Чистота и зеленило“ со атомизер да продолжи со дезинфекција во ЈЗУ општа болница Куманово.

Денеска  во просториите на Општина Куманово се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Општина Куманово прави обид за воспоставување на редовен јавен градски превоз во Општината, со кој се соочува со сериозни технички проблеми со вршителите на истиот, кои како и останатите правни субјекти од градското стопанство се погодени од ковид кризата. Бараме од Влада на РСМ да излезе во пресрет на барањата на јавните превозници во Општина Куманово и да донесе одлука за субвенционирање на јавниот превоз во градот со 30 денари по изминат километар и обезбеди средства од буџетот на РСМ.

Предлагаме доколку нема финансиски можности за субвенционирање, скромниот општински буџет не дозволува да тоа го сториме од сопствени средства да се обезбеди соодветна количина на нафтени деривати од стоковите резерви, кои би се користеле за потребите на вршителите на јавниот превоз во Општина Куманово во период на ковид кризата и би ги покриле дел од матријалните трошоци на компаниите како не би работеле со губитоци и да можат непречено да го испочитуваат договорот со општината и вршење на јавниот превоз.

• Бараме од СВР Куманово да превземе поригорозни мерки и зачестени контроли спрема дивите превозници на територија на Општина Куманово.

Денеска во просториите на Општина Куманово се одржа состанок на
Општинскиот штаб за заштита и спасување во врска со преземање на
активности и мерки од ширење на болеста COVID-19 (корона вирус). ОШЗС
Куманово врз основа на моментната епидемиолошка состојба со COVID 19 во
Општина Куманово се предлагаат следниве заклучоци.
 Да се прекине со понатамошна дезинфекција на предходно определени
пунктови за возила освен на двата пункта кои патно ја поврзуваат Општина
Липково со Општина Куманово ( пункт Огрев и пунктот во Бедиње).
 Да се прекине со понатамошна превентивна дезинфекција на колективните
објекти за домување и таа обврска да се пренесе на приватните субјекти
( стамбените домари) кои и до сега согласно законот се задолжени за грижа и
одржување на истите.
 Да се прекине со понатамошна превентивна дезинфекција на јавните
простори и јавни површини во Општина Куманово, да се продолжи со редовно
миење на улиците со натриум хипохлорид по дефинаран план и динамика во
ЈП „Чистота и зеленило“.
 Согласно предходните мерки предложени од страна на Владата на РСМ се
препорачува на Градоначалникот да ги врати во функција сите служби во
рамки на Општина Куманово како и во Јавните претпријатија за да се запази
функционалноста на општината и потребите на граѓаните.
 Согласно барањата на предходно одржаниот состанок со претставници на
Локален економски совет како едно од приоритетни барања е за делумно
враќање на градскиот превоз за потреби на стопанството, препорачуваме до
Градоначалникот во консултација со Влада на РСМ во најскор можен рок да
излезе со предлог за реализација на горенаведеното барање.
 Согласно предходно изготвената проценка за епидемиолошката состојба од
страна на Комисија за заразни болести и Министерство за здраство за
територија на Општина Куманово, бараме од Влада на РСМ во најитна
постапка да донесе соодветни мерки, протоколи и препораки за брзо
заживување на стопанските субјекти ( хотели, ресторани, кафеани, кафулиња,
занаетчиски дуќани и мали трговски единици) на територија на Општина
Куманово со јасни и прецизно детерминирани услови и насоки за начинот,
поставеноста и внатрешното уредување на функционалниот поростор во
истите.

 Согласно препораките и уредбите на Влада на РСМ, информација до
граѓаните на територија на Општина Куманово дека се доллжни да носат
лична заштита на лицето при излегување надвор од својот дом, односно при
движење на јавни места и површини од отворен и затворен тип, на пазари, во
јавен превоз и при влез во затворени простори на оператори, кои поради
нивната природа на дејност претставуваат место на собирање на повеќе лица
( државни институции, маркети, продавници, банки пошти, чекални,
здраствени институции и сл.)

Денеска во просториите на Општина Куманово се одржа состанок на
Општинскиот штаб за заштита и спасување во врска со преземање на
активности и мерки од ширење на болеста COVID-19 (корона вирус). На
состанокот беа донесени следниве препораки, заклучоци и мерки:
 ОШЗС Куманово врз основа на Решение за безбедносни мерки во однос на
болеста предизвикана од вирусот COVID -19 кај луѓето, донесено врз основа
на член 20 став 1 алинеја 5 од Законот за безбедност на храната („Сл. Весник
на РМ“ Бр.157/10,
53/11,1/12,164/13,187/13,43/14,72/15,84/15,129/15,231/15,39/16,64/180) мерките
на Владата на РСМ и препопраките на МЗ, и диреткорот на Агенција за храна
и ветеринарство, препорачува на ЈП „Пазаришта“ – Куманово, да го прилагоди
работењето на добиточниот пазар согласно мерките на Владата на РСМ и МЗ.
 ОШЗС Куманово врз основа на барање на ЈП „Пазаришта“ –Куманово,
препорачува на Општина Куманово да започне со работа реонскиот и Зелен
пазар како за продажба на храна, земјоделски производи така и за продажба
на цвеќе и останати производи на второ и трето ниво од понеделник до петок
од 08:00-16:00 часот. При што задолжително да се применуваат веќе
утврдените мерки за заштита од вирусот.
 ОШЗС Куманово препорачува на Општина Кумановода го стави во функција
зонско паркирање организирано од страна на ЈП „Куманово паркинг“ –
Куманово со цел да се уреди паркирањето и намали сообраќајниот метеж во
градот.

Денеска се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Информација до граѓаните на Општина Куманово дека ОШЗС Куманово продолжува со својата работа, со цел справување со COVID 19.
• ОШЗС Куманово ги известува граѓаните дека дезинфекција на стамбените објекти ќе продолжи во понеделник .

– Останатите активности на силите за делување на штабот и останатите институции продолжуваат со штабските редовни активности согласно зададената динамика.

Денеска по пат на конференциска врска се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• ОШЗС Куманово бара од Владата на РСМ да ја разгледа и измени Уредбата за носење на заштитна опрема со која е предвидена казна во висина од 20 евра на физичките лица за неносење на заштитна маска на отворено и истата да ја замени со опомена и содветна казна со општествено корисна работа.
• ОШЗС Куманово донесе одлука да се дозволи организирање и одржување на музички концерти на отворен простор на градскиот плоштад и пред платото на НЦУК “Трајко Прокопиев“ за време на траење на полицискиот час, за кои заинтересираните културни институции, здруженија и групи ќе доставуваат предходно барање до ОШЗС и ќе ги почитуваат мерките и препораките на Владата на РСМ и ОШСЗ Куманово.

– Останатите активности на силите за делување на штабот и останатите институции продолжуваат со штабските редовни активности согласно зададената динамика.

По пат на конференциска врска се одржа состанок на Општинскиот штаб за заштита и спасување на  ден 27.04.2020 година (понеделник),во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• Штабот е загрижен поради новонастанатата состојба со вонредниот инспекциски надзор на ДЗСИ во однос на командантот и придружениот член на штабот за наводно прекршување на процедури и бара записникот и извештајот од постапка да му биде доставен на увид.

Ваквата констатација фрла сомнеж врз сето она што до сега е преземено и сработено од страна на ОШЗС во борбата со епидемијата од Covid-19 во Куманово. Бараме од надлежните државни органи во најкус можен рок да го расчистат случајот. ОШЗС во континуитет од самиот почеток на епидемијата укажува на голем број на недостатоци на акти и дефинирани процедури кои треба да ги донесе владата, министерството за здравство и комисијата за заразни болести со кои прецизно се регулираат процедурите во услови на епидемија како и заклучоци со кои се укажува за фактичката состојба и реалните потреби во здравствените организации во Општина Куманово.

• Општинскиот штаб, силно ја поддржува работата и ангажманот на здравствените работници (лекари и медицински персонал во Општа болница, Здравствениот дом, матични лекари, ЦЈЗ, епидемиолозите и др.) во Куманово и ја истакнуваме досегашната соработка како и нашата голема благодарност за сето тоа. Цениме дека тоа се луѓето на првата линија на фронтот, против вирусот Covid -19, како и нивната 24-часовна посветеност, ризикувајќи ги своите животи во интерес и спас на животите на своите сограѓани. Од тие причини упатуваме јасна порака до Министерството за здравство во наредниот период, целосно да се посвети на подобрување на сите слабости во поставениот систем, кој очигледно не функционира беспрекорно.

ОШЗС ќе продолжи со сите средства и целата логистика заеднички да ја продолжи битката, со злото кое го зафати светот, нашата држава и нашиот град. За нас, наш врвен приоритет, отсекогаш беше и остана спасување на човечки животи и грижа за граѓаните

на Општина Куманово за нивно сеопшто добро.

• Се бара од ЈП „Водовод“ секојдневно да дава информација за превземените активности на водоводна и канализициона мрежа и истите да ги објсвува и на веб сајтот на Општина Куманово.
• Се препорачува на Општина Куманово на сите јавни претпријатија да додели одредени количини на заштитни маски.
• ОШЗС Куманово целосно се оградува од сите политички, правни и физички лица кои самостојно без запознавање и одобрение на ОШЗС делат пакети и друга помош и бара од нив да ги почитуваат одлуките на штабот и тоа да го организираат во координација со ОШЗС.
• Апел до граѓаните на Општина Куманово да ги почитуваат мерките и препораките на Владата на РСМ и ОШЗС Куманово.

Општина Куманово

Градоначалник,

____________________

Максим Димитриевски

Денеска по пат на конференциска врска се одржа состанок на Општинскиот штаб за заштита и спасување во врска со преземање на активности и мерки од ширење на болеста COVID-19 (корона вирус). На состанокот беа донесени следниве препораки, заклучоци и мерки:

• ОШЗС ќе го зголеми бројот на придружните членови на штабот со претставници од Советот на Општина Куманово во координација со Претседателот на Советот и координаторите на советничките групи за подобро координирање на активностите, редовно следење на состојбите и активностите во врска со епидемијата во Куманово.
• ОШЗС уште еднаш укажува на невладините организации, здруженија и политички субјекти и поединци да се почитуваат препораките и одлуките на ОШЗС, во однос на делење на хуманитарна помош, тоа исклучиво да биде во соработка со ОШЗС, за да се избегне непотребно групирање на граѓани, неконтролирано делење и евентуални прекршувања на препораките и мерките на Владата.
• Барање до Општина Куманово за изготвување на информативен материјал во вид на флаери, плакати и билборди, за следење и почитување на мерките за заштита од вирусот COVID-19, и нивна достава до граѓаните, за нивна подобра едукација во справување и заштита од ширење на корона вирусот (COVID-19).

Општина Куманово

                   Градоначалник, 

                                                           Максим Димитриевски