Со оглед на врнежите од снег и дожд кои го зафатија подрачјето во изминатите денови, на ден 25.01.2019 година, членови на Општински штаб за заштита и спасување, заедно со претставници од РЦУК-Куманово и претставници од СВР Куманово, излегоа на терен заради увид на состојбата на потецијални критични точки на реките и речните корита. Заеднички беше констатирано дека сoстојбата е стабилна и е под контрола и засега нема опасност од излевање на реките.

Општински штаб за заштита и спасување  интензивно ќе ги следи состојбите и ќе превзема соодветни активности и мерки.

Воедно, ги информираме граѓаните дека дежурни телефони во случај на поголеми наноси од снег и непроодност на патиштата се 195 на Центар за Управување со Кризи и 078 365 061 на Општина Куманово.

Во првиот месец од своето функционирање,  градоначалникот  Максим Димитриевски оставри многубројни средби со граѓаните на Општина Куманово. Разговараше со претседатели на месните заедници во општината, со директори на Јавни претпријатија и раководни лица во институциите од градот, со претставници на верски заедници, со здружение за грижи и воспитување на децата, со бизнис секторот, со културните работници и спортските клубови.

Во својот кабинет оставри средби со Амбасадори на Јапонија,  Франција и почесниот граѓанин на Куманово Луиза Винтон, со кои разговараше за тековните проекти како и за продлабочување на понатамошната соработка.

На полето на инфраструктурата во овој овој период интензивно се работеше. Се асфалтираа улица „Тоде Мендол„улица „100„ улица „Димитар Влахов„, „Орце Николов„, а до крајот на годината е предвидено да се реконструираат улиците: „Moша Пијаде„, „Пелинска„,Страшко Арсов„, Драги Шутевски и „Борко Таневски„. Се изврши и тампонирање на голем број улици.Се изврши обележување на хоризонтална  сигнализација во централно градско порачје.

Во зафршна фаза е проектот за реконструкција и проширување на канализациона мрежа во градот. Се изврши и реконструкција на фасадата на зградата на општината, се сменија клупите на Грдскиот плоштад,а се зголеми и нивото на хигиената во централно градско подрачје. Поставени се мобилни тоалети.

По повод Ден на Градот  „11 Ноември„ Градоначалникот Максим Димитриевски беше домаќин на голем број делегации од збратимените градови.