Денеска во Тетово се одржа Работна средба за размена на најдобри практики меѓу претставниците на општините Куманово и Тетово, со цел развивање на ефективни активности во поглед на превенција и спречување на насилен екстремизам во нивните региони. Средбата е во организација на Невладината организација “Nexus Civil concept”-Скопје и Меѓународниот републикански институт ”Iri”-Сараево.

Градоначалникот на Општина Куманово Димитриевски имаше свое обраќање, во кое истакна дека Локалниот совет за превенција од нашиот град претставува позитивен пример за тоа како се работи во една заедница. Тој го потенцираше воспитно-образовниот процес, кој бара внимание, лоцирање на потенцијалните проблеми и нивно решавање.

Беа презентирани Добри практики и досегашни активности на Локалниот совет за превенција-Куманово, како и улогата на општина Куманово и соработката со локалните институции, граѓанскиот сектор и меѓународните организации како важен фактор за безбедност и заштита на граѓаните.

Денеска во просториите на Општина Куманово се одржа работна средба на делегации од општините Куманово и Гњилане, предводени од Градоначалниците Максим Димитриевски и Љутфи Азири.

Целта на оваа средба се потпишаните договори во рамки  на Програмата за прекугранична соработка помеѓу Косово и Р.Северна Македонија. Потпишани се договори за два проекти: „Зајакнување на вредности на културно и природно наследство“, кој ќе се имплементира во партнерство на општините Гњилане и Куманово и „Одржливи еколошки и здравствени придобивки во прекугранична област“, помеѓу Регионалната компанија за снабдување со вода “Хидроморава” – Гњилане  и ЈП “Водовод”- Куманово.

Градоначалникот Димитриевски потенцираше дека проектите ќе придонесат за јакнење на прекуграничната соработка и подобри услови за живот на граѓаните од регионот, им посака успешна работа на тимовите на проектите и уште можности за нови проекти.

Градоначалникот на Општина  Куманово Максим Димитриевски денеска присуствуваше на работниот состанок на тема “Запознавање на општествените чинители со Акцискиот план за превенција и спречување на насилен екстремизам”, во организација на Локален совет за превенција, Општина Куманово, Отсекот за превенција при СВР Куманово и Мрежата на силни градови.

Во своето обраќање Димитриевски истакна дека секое вложување во воспитно-образовниот процес се враќа многукратно, со цел  зачувување на безбедноста во заедницата.

Присутните беа запознаени со стратешките цели и активности од планот, кои во наредниот период ќе се реализираат. Се промовираше локалниот Акциски план за превенција и спречување на насилен екстремизам, а воедно беше спроведена и првата стратешка цел од планот.

Целосната програма можете да ја видите на следниов ЛИНК.

Изјава на Жика Крстевски, Раководител на Сектор за образование при општина Куманово во врска со започнувањето на второто полугодие во учебната 2019/2020 година.

Денеска Градоначалникот Максим Димитриевски и претседателот на Совет Атина Мургашанска, присуствуваа на монтажното лизгалиште кое што се наоѓа пред градските базени. Лизгалиштето кое е доделено на користење од страна на Агенцијата за млади и спорт, ќе работи секој ден

На Затворениот градски базен денеска се одржа фрлање на светиот крст, по повод празникот Богојавление-Водици.
Градоначалникот на Општина Куманово Димитриевски, заедно со претстедателот на Советот, присуствуваше на настанот и на најсреќниот му посака здравје, среќа и успех, врачувајќи му и подарок. Настанот е во организација на пливачките клубови “Аква“, “Немо“, “Делфин“, “Тумба 2018” и “Тумба“.

Здружението на спортски риболовци “Пчиња”-Куманово денеска на градскиот кеј го одбележа празникот Богојавление – Водици. На настанот присуствуваше Градоначалникот на Општина Куманово Максим Димитриевски и Претседателот на Совет Атина Мургашанска.

Во чест на верскиот празник Богојавление-Водици, по 19-ти пат денеска се одржа манифестацијата “Пивтијада 2020”. Манифестација е во организација на Мултимедијалниот центар “Карпино”-Куманово, а под покровителство на Градоначалникот и Советот на Општина Куманово.

Од утре (18.01.2020 година) од 16.00 часот започнува да работи монтажното лизгалиште пред Затворениот градски базен. Лизгалиштето е доделено на користење од страна на Агенцијата за млади и спорт и истото ќе биде на располагање во следните два месеци. Граѓаните можат да го користат секој  ден од 09.00  до 21.00 часот, а  лизгалките  се земаат на билетарата на Градскиот базен. Влезот е слободен.