Секретарот на Општина Куманово Десанка Стошевска го посети првото родено бебе на одделот за Гинекологија и Акушерство во Општа Болница – Куманово. Првото новороденче е машко, родено во 00:10 часот.

Секретарот на Општина Куманово Стошевска на мајката и семејството им честиташе за второто дете, посакувајќи им многу здравје и среќа. На семејството му беше подарена штедна книшка и други пригодни подароци.

Почитувани сограѓани, сакам најтопло да ви ја честитам новата година со најискрени желби.

Посакувам оваа година да го исполниме нашето секојдневие со љубов, верба и надеж и заеднички да продолжиме да ја градиме нашата и иднината на нашите деца. Заедно да придонесеме во исполнувањето на новите предизвици и да изградиме пат кон напредокот на нашата заедница.

Ви посакувам успешна година исполнета со многу здравје, радост и бериќет.

После подолг временски период општина Куманово направи пресек во рамките на даночното одделение, по што се дојде до заклучок дека има одредени побарувања кои се мноу тешко наплатиливи. Најголем дел се побарувања кои доаѓаат од најтешките категории на социјални случаи во општината или на правни субјекти кои се во постапка на згаснување и не ги плаќале своите обврски во континуитет.
Водени од фактот дека државата оддели сретстава за Куманово во висина од 100 милиони денари , со кои треба да се раздолжиме кон субјектите кон кои имаме финансиска обврска како општина, во позитивен дух, ние таквата одлука сакаме да ја пренесеме и да ја почуствуваат и граѓаните и правните субјекти во општината. За таа цел решивме да отпишеме вкупно 42 милиони 898 илјади 437 денари по основ на фирмарина, данок на имот за физичи и данок на имот за правни лица. Се работи претежно за обврски кои што датираат од далечната 2004 година до 2010 година и претежно истите се пренесени, со пренесување на надлежностите од страна на управа за јавни приходи на општина Куманово. Едноставно не сакаме да ги водиме ваквите бројки само како евиденција, туку да допринесеме за подобрување на скромниот буџет на најзагрозените социјални категории на граѓани-изјави градоначалникот Максим Димитриевски.

На вчерашната седница, Владата на Република Македонија донесе одлука, Куманово да добие 20 милиони денари за отпочнување на градежни активности во индустриската зона Новине и Речица.Со оваа ќе започне и процес на понуда на парцелите кон инвеститорите. Градоначалникот Максим Димитриевски смета дека овие сретства се сосема доволни за почеток, и се надева дека ќе започне реализација на реална инфраструктура во тој дел од градот.Инаку Индустирската зона Куманово е неменета за мали и средни претпријатија, а моментално таму има само земјоделско земјиште.

ПРОЕКТИ КОИ СЕ ОДОБРЕНИ ЗА ФИНАНСИРАЊЕ
Бр Организација Проект Бодови ЗАБЕЛЕШКА
Проекти со буџет од 307.000,00 – 615.000,00 МКД
1. Хуманитарно здружение Мајка Куманово Биди во тек 78 Буџетот ќе треба да претрпи измени затоа што се идентификувани категории на трошоци што се превисоки и ќе треба да се намалат.
2. ЗЖ Коло на српските сестри Куманово Традицијата низ слики 71
3. Спортски младински клуб Динамик – Куманово Спортот – темел за здрава и активна младина 68 .
4. Хуманитарно здружение Мајка Куманово Од нас, за сите нас 67 Буџетот ќе треба да претрпи измени затоа што се идентификувани категории на трошоци што се превисоки и ќе треба да се намалат.
Проекти со буџет од 615.000,00 – 1.845.000,00 МКД
5. Здружение Креатор Куманово Волонтирај – Резултирај ! 77 Буџетот ќе треба да претрпи измени затоа што се идентификувани категории на трошоци што се превисоки и ќе треба да се намалат.

ПРОЕКТИ КОИ НЕ СЕ ОДОБРЕНИ ЗА ФИНАНСИРАЊЕ
ЦЕЛОСНО ЕВАЛУИРАНИ
6. Здружение регионален центар за лица со интелектуална попреченост Порака Куманово Креирај еднаква грижа за сите 65 Проектниот предлог не ги освои потребните минимум бодови согласно со предложената вредност.Предложените активности вклучуваат тековни активности на организацијата, која што традиционално секоја година е
финансиски поддржувана од општината, со што овој проектен предлог нема никаква додадена вредност.
7. Здружение Ромска организација на жени од Македонија ДАЈА Куманово Препознај насилство, избери љубов 59 Проектниот предлог не ги освои потребните минимум бодови согласно со предложената вредност. Соодносот меѓу проценетите трошоци и очекуваните резултати не е задоволителен, буџетот е нереален и содржи превисоки трошоци во повеќе од буџетските линии. Истиот би требало да претрпи преголема ревизија, со што во голема мерка би се изменила структурата на буџетот, што не е дозволено согласно со насоките од јавниот повик.
8. Велосипедски клуб Кросс Сајклинг тим Куманово Бајк Парк Куманово 58 Проектниот предлог не ги освои потребните минимум бодови согласно со предложената вредност. Дополнителна забелешка: Над 70% од вкупниот буџет е наменет за изведба и опрема, што е спротивно на насоките од јавниот повик.
9. Симбиозис 12 Ромски самохрани родители и рано учење и развој 48 Проектниот предлог не ги освои потребните минимум бодови согласно со предложената вредност. Проектниот предлог не е добро образложен и недостига многу релевантни информации за негово соодветно и целосно оценување. Не е на никаков начин образложено што ќе се случи со центарот по завршување на проектот бидејќи истиот ќе биде земен под наем за времетраењето на проектот. Дополнително, Комисијата за евалуација располага со информации дека организацијата веќе располага со центар, за кој не е образложено зошто не може да се користи за целите на овој проект.
10. Училишен спортски клуб Крсте Мисирков Куманово Атлетика права за младина здрава 47 Проектниот предлог не ги освои потребните минимум бодови согласно со предложената вредност. Предложениот тим е вработен во јавни институции – училишта, при што управуваат со спортскиот клуб, 79% од вкупниот буџет е наменет за набавка на опрема, што е спротивно на насоките од јавниот повик.
ВТОР ПРАГ – РЕЛЕВАНТНОСТ
11. Центар за одржлив развој Елипса Куманово Дигиталната Економија: Паметен е-туризам 25 Проектниот предлог не оствари доволен број на поени на вториот праг – релевантност. Проектот е планирано да се спроведува на поголема територија, која опфаќа и други општини, што е спротивно на насоките на јавниот повик; целната група е избрана во спротивност со насоките од јавниот повик и вклучува локални мали и средни претпријатија, нивните вработени и управувачкиот тим. Дополнителна забелешка: буџетот во голема мерка содржи паушални вредности, што е забрането согласно со правила на овој јавен повик.
12. Здружение за наука, уметност, култура и спорт институт за наука, уметност, култура и спорт Куманово Преку стручна едукација до вработување и самовработување 24 Проектниот предлог не оствари доволен број на поени на вториот праг – релевантност. Граѓанската организација го поднесе истиот предлог проект што беше одбиен на претходниот јавен повик без да ги земе предвид забелешките што беа дадени. Целната група и потребите на целната група не се јасно дефинирани, проектот нема додадена вредност, не е образложено како активностите ќе придонесат до реализација на резултатите; предложениот координатор е вработен како универзитетски професор.
13. Мултиетничко здружение Флоренс Најтингејл Куманово Заедно – за меѓуетнички соживот! 24 Проектниот предлог не оствари доволен број на поени на вториот праг – релевантност. Целната група е избрана спротивно на насоките од јавниот повик и се фокусира на јавни службеници и претставници од приватни компании; сите активности се фокусирани на лица од јавни и приватни институции, што исто така е спротивно на насоките од јавниот повик.
14. Здружение за уметност, култура и заштита на културно наследство Ризница Ризница 23 Проектниот предлог не оствари доволен број на поени на вториот праг – релевантност. Проектната идеја и проектниот предлог не се добро разработени и образложени, целната група не е јасно дефинирана и нема стратешки избор на чинители, а проектните активности не доведуваат до остварување на приоритетната област. Дополнителна забелешка: буџетот не е целосно пополнет и согласно насоките од јавниот повик, со што беше отежната евалуацијата на целосната проектна апликација
15. Здружение Фото Кино Клуб Козјак Куманово Разгледај го Куманово 22 Проектниот предлог не оствари доволен број на поени на вториот праг – релевантност.Не е наведена приоритетна област согласно со насоките од јавниот повик, целната група и крајните корисници на проектот не се дефинирани согласно насоките од јавниот повик, потребите на целната група не се дефинирани, а главните активности се во времетраење од 2 дена, не се врши позитивно влијание на ранливи категории на лица. Дополнителна забелешка: соодносот меѓу трошоците и очекуваните резултати не е на задоволително ниво земајќи предвид дека има само 2 дена на конкретни проектни активности.
16. Здружение за наука, уметност, култура и спорт институт за наука, уметност, култура и спорт Куманово Предуслови ипретпоставки за иден развој на туризмот во руралните подрачја на општина Куманово 21 Проектниот предлог не оствари доволен број на поени на вториот праг – релевантност. Целната група и крајните корисници не се јасно дефинирани ниту правилно опфатени со проектот, проектниот предлог не содржи додадена вредност, целите на проектот не се јасно дефинирани, а активностите не доведуваат до реализација на приоритетите, проектниот предлог не е добро образложен, со што се отежнува евалуацијата.
17. Здружение Јустиција Куманово Заеднички градиме подобар живот за лицата во трето доба во Куманово 20 Проектниот предлог не оствари доволен број на поени на вториот праг – релевантност. Проектните активности не доведуваат до реализација на релевантниот приоритет, целната група не е опфатена со предложените активности и нема никаков бенефит од реализација на истите; Ниту проектот ниту проектните активности не се добро образложени што ја оневозможува соодветната евалуација на апликацијата. Недостига наративно објаснување на предложениот буџет.

ПРВ ПРАГ – ФИНАСИСКИ И ОПЕРАТИВНИ КАПАЦИТЕТИ
18. Здружение за културен и општествен развој и едукација Виножито Седумте културно-историски приказни од Куманово 6 Проектниот предлог не оствари доволен број на поени на првиот праг – финансиски и оперативен капацитет. Граѓанската организација е новоформирана и нема спроведено ниту еден проект. За носителот на проектот и за партнерот не се доставени податоци за спроведени проекти и кратки биографии и не може да се оцени нивниот капацитет. Дополнителна забелешка: активностите (локалитетите) не се наоѓаат во општина Куманово туку во поширокиот регион, што е спротивно на насоките на јавниот повик
19. Здружение за развивање на знаења и вештини Спектар Реализирај ја твојата идеја – Партиципативно буџетирање во средините 5 Проектниот предлог не оствари доволен број на поени на првиот праг – финансиски и оперативен капацитет. Граѓанската организација нема ниту еден спроведен или тековен проект; предложениот проектен тим и самата организација немаат доволно капацитет за менаџмент и раководење со проекти. Според тоа, самата граѓанска организација нема оперативен и финансиски капацитет за имплементација на проект од оваа вредност.
ДИСКВАЛИФИКУВАНИ
20. КУД Панче Пешев Куманово Организирање меѓународен фолклорен фестивал Куманово 2019 Проектниот предлог е непополнет, логичката рамка и буџетот се само делумно пополнети, со што е оневозможена евалуација на проектниот предлог
21. Ромски културен центар Чирикља Куманово Обуки на дефицитарни кадри (Театарска умешност) Не е поднесен задолжителниот документ – Регистрација на граѓанската организација
22. Здружение на граѓани за поддршка на шумарството и животната средина Трифор Скопје – подружница Куманово Зелен катарстар на град Куманово Граѓанската организација е од Скопје, што е спротивно на насоките од јавниот повик. Граѓанската организација од Скопје регистрирала подружница во Куманово 1 ден пред истекување на рокот за доставување на предлог проекти и сите доставени документи за организацијата се всушност од скопската организација, додека од кумановската подружница не се поднесени никакви документи.

Општина Куманово денеска традиционално ги прогласи најдобриот полицаец и најдобриот пожарникар за 2018 година.
За најдобар полицаец беше прогласен Аслан Ајети, полициски службеник во ПС за БПС при СВР Куманово, а за најдобар пожарникар Сашо Илиевски, командир на одделение во ТППЕ Пожарна.
Наградите ги врачи Градоначалникот Максим Димитриевски кој истакна дека наградите треба да бидат лична мотивација за секој од нив, но и добар пример за средината во која работат.

Во пресрет на новогодишните и божиќни празници, Градоначалникот Максим Димитриевски подели пакетчиња во повеќе установи во градот, додека денеска при посета на Општина Куманово, новогодишни пакетчиња добија и дечињата без родители.  Градоначалникот  им ги честиташе претстојните празници и им посака многу среќа, здравје и успех во претстојната 2019 година.

Општина Куманово и Здружение на чевлари во Куманово годинава традиционално ја организираа манифестацијата за прослава на Св.Спиридон-Заштитник на чевларите, во Занатски Дом. Манифестацијата беше прославенасо богата програма и музички настапи на кумановоските пејачи. Градоначалникот Максим Димитриевски имаше свое обраќање пред присутните.

Денеска Градоначалникот Максим Димитриевски, во присуство на Дедо Мраз, традиционално ги подели новогодишните пакетчиња на дечињата сместени на детското одделение во Општа Болница Куманово. Димитриевски изрази благодарност до персоналот на болницата за нивниот несебичен ангажман, а на децата сместени на детското одделение им посака што поскоро закрепнување.