Денеска Куманово беше домаќин на Меѓународен митинг во атлетика.Истиот е во организација на Атлетски сојуз на Македонија, Атлетски клуб Куманово и Општински сојуз на спортови на Куманово, а учество ќе земат околу 300 учесници од повеќе градови во различни категории.

Градоначалникот Максим Димитриевски денеска по повод патрониот празник на касарната „Боро Менков“, положи свежо цвеќе пред бистата на народниот херој во дворот на касарната. Настанот беше одбележан со историски час за ликот и делото на Боро Менков и културно – уметничка програма.

Галерија

По повод празникот „11ти Октомври“ денеска во Куманово се одржа традиционалната велосипедска трка „Трофеј 11ти Октомври“.
Манифестацијата е во организација на Велосипедски клуб Вело-М Термалифт, Општински сојуз на спортови Куманово и Велосипедска федерација на Македонија, а под покровителство на Градоначалникот и Советот на ОпштинаКуманово.
Трката стартуваше од пред Спортска сала, а се одвиваше по булеварот „Октомвриска Револуција“ и „III Македонска Ударна Бригада“. Учество на истата зедоа 80 претставници од училишниот спорт и 50 деца од градинката „Ангел Шајче“, а на главната трка за професионални велосипедисти стартуваа околу сто учесници од велосипедски клубови во Македонија, Бугарија и Косово.
Манифестацијата која датира од самиот почеток на одбележувањето на празникот „11ти Октомври“, годинавајаотвори Градоначалникот на Општина Куманово Максим Димитриевски, а присуствуваше и Градоначалникот на Општина Прилеп – Илија Јовановски.

Со положувањена свежо цвеќе денеска на Спомен Костурница, беше одбележан Денот на востанието „11 Октомври“. Пред присутните се обрати Претседателот на Владата на Република Македонија – Зоран Заев.
Почест на паднатите борци оддадоа бројни делегации предводени од Сојузот на борците, Градоначалникот Максим Димитриевски и претставници на Советот на Општина Куманово, Градоначалникот на Општина Прилеп Илија Јовановски, делегации на Собранието на Владата на Р.М., АРМ, МВР, претставници на останати институции, политички партии и граѓански здруженија.

На Градскиот плоштад во Куманово денеска беа отворени осумнаесеттите по ред „Деновинамедот“.
Манифестацијaта ја организира пчеларското здружение „Пчела” од Куманово, а на истата учество зедоа околу петнаесет пчелари од повеќе градови во Македонија кои пред граѓанте ги изложија сите пчелни производи.

Со празнични говори на Претседателот на Влада Зоран Заев и градоначалниците на Прилеп и Куманово,вечерва беше одбележана заедничка прослава на овие два града по повод празникот “11Октомври”

77-годишнината од почетокот на антифашистичката борба, Куманово и Прилеп за прв пат во историјата, годинава заедно ќе го одбележат.
Вечерва во Прилеп започнува чествувањето со традиционалната прослава со импровизиран напад на градот и огномет, а утре во Куманово ќе се одржат бројни спортски и културни манифестации.

По подолго време, денеска започнаа да се асфалтираат патеките на Спомен Костурница во Куманово. Се врши целосна реконструкција на патна инфраструктура околу самиот локалитет. Од страна на ЈП „Чистота и Зеленило„ ќе се изврши партнерно уредување и поставување на урбана опрема, а од „ЈП Куманово Паркинг„ ќе се постави ново улично осветлување, односно нови канделабри. Според Градоначалникот, се очекува целосната реконструкција на овој локалитет да биде завршена за еден месец.

Денеска пред градскиот базен,од страна на ЈП “Чистота и Зеленило” беа поставени контејнери за примарна селекција на отпад.Исти такви контејнери ќе бидат поставени и на уште петнаесет локации низ градот.