Денеска во Општина Куманово Градоначалникот Максим Димитриевски oствари средба со членовите на Извидничкиот Одред “Скаут“ од Куманово, со кои потпиша Меморандум за соработка. Со меморандумот се утврдува заедничката соработка и координација меѓу двете страни, во спроведување на активности од областа на едукација за биодиверзитетот и заштитата на природата во Општина Куманово. Соработката за која се согласија двете страни подразбира и други области, кои се директно или индиректно поврзани со зачувување и промовирање на природата како безбедно и здраво место за едукација на младите.

Општина Куманово и ЈП “Чистота и Зеленило“ започнаа активност за животната средина преку проектот “Засади живот – за нов живот“, каде за секое новороденче ќе биде подарена нова садница.

Градоначалникот Максим Димитриевски денеска го посети семејството на првото наовороденче на кое му беше подарена садница во рамки на проектот. Целта на истиот е зголемување на бројот на зелени површини во градот и поттикнување на граѓаните за гржа кон околината и придонес за почиста животна средина.

Градоначалникот Максим Димитриевски, во просториите на Општина Куманово оствари средба со спортските легенди кои пристигнаа во Куманово по повод промоција на документарниот филм “Соколана нашата гордост“.

Едни од најпознатите и најзначајните спортски имиња, кои низ годините продефилирале во Соколана – Владимир Боцевски, Христо Ѓорчевски, Благоја Георгиевски, Лазар Лечиќ, Владимир Воиновски, Зоран Габриќ, Венцо Саздов, Стојмир Цаневски, Страше Тодоровиќ, Мирољуб Лалевски – Нини, Боркица Николовска, Војкан Поповиќ, Владимир Наковски, Рисимка Тричковиќ, Милорад Ивановски – Мице, Душко Ивановски – Боби, Раде Георгиевски, Томислав Величковски, Новица Трендафиловски, разговараа со Градоначалникот за спортските активности, настани и успеси од минатото.

По средбата, заедно се упатија во Центарот за култура “Трајко Прокопиев“, каде што се одржа промоција на документарниот филм “Соколана нашата гордост“, од нашиот сограѓанин Марјан Стошевски.  Докуметарниот филм ја раскажува историјата на едно од најзнаајните обележја на Куманово – спортскиот објект Соколана.

Градоначалникот Максим Димитриевски со претставници од општинската администрација и директорот на ЈП „Пазаришта„ Куманово  е во посета на Општина Гњилане. Делегацијата оствари средба со Градоначалникот на Општина Гњилане Љутфи Хазири, со Градоначалникот на Витина, Сокол Халити и Градоначалникот на Крива Паланка, Борианчо Мицевски. Целтта на оваа средба е координиција за проектите за меѓугранична соработка, каде општините Куманово и Гњилане го добија проектот од Европската Комисија за реконструирање и модернизација на пазарите.

Градоначалникот Димитриевски изрази благодарност на Градоначалникот Хазири за пречекот и соработката, и рече дека преку заедничкиот проект за модернизација на пазарите добивка ќе имаат трговците. Тој додаде  дека имплементацијата на овој проект е многу важна и ќе има долгорочен ефект во иднина,бидејќи  само на овој начин може да се  зголемими соработката за заедничките важни проекти за  граѓаните од двете општини.

Од страна на работните групи на средбата беа презентирани проектите.

Градоначалникот  за време на својот престој во Гњилане ги посети   канцеларијата на ЕК, кампусот на средните училишта, предучилишната институција “Ardhmëria 2”, основното училиште во село Понеш, каде учат ученици од двете заедници, Градскиот музеј и регионалната библиотека „Фан С. Ноли“.

Димитриевски го покани Градоначалникот Хазири да ја посети општина Куманово, за понатамошно продлабочување на соработката.

Општина Куманово, по распишаниот јавен конкурс за избор на сувенир го избра ,,Пиле копче-женски накит” за сувенир на општината за 2018 година. Сувенирот е изработен од страна на нашата сограѓанка Јелена Спасовски.

Под покровителство на Градоначалникот и Советот на Општина Куманово, а во организација на Фондација за култура и спорт се одржа концерт на квартетот „Полихимниа„ од Скопје. Во преубавата сала на Занаетчискиот дом присуствуваше Градоначалникот Максим Димитриевски и претставници од општинската администрација.

Денеска во Општина Куманово тимот претставуван од проф. др. Владимир Томашевиќ – Факултет за инжинерски менаџмет ФИМ Белград, Србија, оствари средба со градоначалникот Максим Димитриевски. Се разговараше за развој на пчинскиот регион во областа на образованието, енергетиката и развој на приватниот сектор. ФИМ во периодот кој следи ќе додели стипендија за пост-дипломски студии на еден административен службеник од Општина Куманово како и стипендии во сите средни училишта во Општината. 

Одделението за социјална заштита, заштита на децата и здравствена заштита при Општина Куманово врши мапирање на самохрани родители и тоа:

-самохран родител на дете чиешто татковство не е признаено и

-самохран родител на дете со еден починат родител.

Согласно тоа, ги повикуваме граѓаните кои спаѓаат во категоријата- самохран родител и живеат на територија на општина Куманово да се јават во просториите на Општина Куманово (зграда на катастар) во соба бр. 2(два).