Градоначалникот Максим Димитриевски, денеска се сретна со претставниците од клубот ВЕЛО-М. Клубот на средбата ги претстави своите достигнувања и високи резултати кои ги постигна во 2017 година. Програмските активности на клубот беа подржани од Општинскиот сојуз на спортови.

Збратимените градови кои се во Општина Куманово по повод прославата на празникот на нашиот град, присуствуваа на свеченост во просториите на Занатски Дом. Градоначалникот Димитриевски размени подароци со претставниците на општините Бјелина, Никшиќ, Нови Сад, Бања Лука, Кампина, Драч, Ќустендил и Пловдив. Меѓу присутните беа и делегации од Турција и Бугарија, претставницци од амбасадите на Хрватска и Унгарија, како и почесниот граѓанин на Куманово и постојан претставник на UNDP – Луиза Винтон.

Традиционално, на градскиот плоштад и годинава се одржа концертот по повод Ден на град Куманово “11 Ноември“. Беше понудена богата програма на која покрај групата Нокаут, Бени Шаќири и Нон Стоп, настапија и кумановските музичари Мартинијан Кириловски, Ивона Јовановиќ, Марио Арангеловски и Мартија Станојковиќ.

Во рамки на прославата на Ден на Град ,,11 Ноември”, Градоначалникот Максим Димитриевски и бројните гости од делегациите кои пристигнаа по тој повод, ја посетија кумановската Галерија во која беа изложени делата на кумановските ликовни уметници.

Градоначалникот Максим Димитриевски на свечен прием по повод Ден на град Куманово ги пречека Борците од НОБ, поранешните градоначалници, началникот на СВР Куманово и полициските претставници, претставниците од АРМ, пензионираните воени и полициски старешини и воени ветерани и ТППЕ Куманово. Воедно, Претседателот на Советот на Општина Куманово – Атина Мургашанска оствари средба со поранешните претседатели на советот.