Во рамки на програмата за прослава на денот на градот “11 Ноември“, се одржа ликовна изложба “Карпино“ 2017. На изложбата беа претставени над триесет дела на учесниците од ликовната колонија “Карпино“. На свеченото отворање на изложбата се обрати Градоначалникот Максим Димитриевски.

Градската музика “Илинден“ прослави 110 години постоење. По тој повод во Занаетчиски Дом – Куманово, се одржа Свечена академија со богата културно – уметничка програма.
Пред присутните се обрати Градоначалникот Максим Димитриевски и претседателот на друштвото, Ѓорѓи Спасовски.

Градоначалникот Максим Димитриевски денеска имаше средба со Здружението за грижи и воспитување на децата. Здружението на новоизбраниот градоначалник ги претстави своите досегашни достигнувања и ги презентираше своите идни планови и очекувања на поле на развој и унапредување на досегашната соработка со општината. Присутни беа и учениците од ОУ „Толи Зордумис“ од с. Режановце и ОУ „Битолски конгрес“ од с. Лопате – учесници и добитници на награди на ликовната колонија „Филигран“ и „Тијара“ кои оваа пригода ја искористија за да ги подарат своите победнички дела на Градоначалникот Димитриевски.

Градоначалникот Максим Димитриевски денеска оствари средба со амбасадорот на Јапонија во Р.М. – Кеико Ханеда. При посетата на Општина Куманово, амбасадорката Ханеда искажа благодарност за поддршката и соработката што ја има со општината, а Градоначалникот ја истакна важноста на плодната соработка, донираните средства и проектите кои се остварени во соработка со Јапонската Амбасада.
Во заедничка посета на ООУ “Вук Краџиќ“, Градоначалникот Димитриевски и амбасадорката Ханеда извршија свечено примопредавање на училиштето, кое доби нови прозорци, врати и кров по завршување на проектот за реконструкција.

Градоначалникот Максим Димитиевски денеска беше домаќин на средбата со францускиот амбасадор Кристијан Тимоние. На средбата се разговараше за повеќе аспекти од долгогодишната соработка, за инфраструктурата, развојот како и досегашните и идните проекти со кои ќе се продолжи традицијата на добрите меѓусебни односи.
Подоцна, Градоначалникот и амбасадорот заедно ја посетија гимназијата “Гоце Делчев“ , чии ученици се дел од проектот за соработка меќу училишта од Куманово и Франција.